Алаяқтар "Hamster Kombat" крипто ойынының пайдаланушыларының деректерін бұзуға кірісті
Алаяқтар Telegram және басқа платформаларды пайдаланушылары 100 миллионға жетіп қалған “Hamster Kombat” ойнын пайдаланып, жаңа әдістерімен адамдардың деректерін бұзуға кіріскен. Мамандар крипто ойын пайдаланушыларына ескерту жасады. Бұл туралы Stan.kz ақпарат агенттігі хабарлайды.
Фото: RunValer
“Hamster Kombat” ойыны ақша табу мүмкіндігі үшін Telegram және басқа платформаларды пайдаланушылар арасында танымал бола түскен. Алайда мұндай ойындарға деген қызығушылықтың артуымен қатар, криптовалюта саласында алаяқтық схемалардың да саны артқан. Алаяқтар аккаунттарды бұзып, фишингтік беттерді ұсыну арқылы пайдаланушыларды алдауға кіріскен. Олар криптовалюталардағы монеталармен листингтен кейін бірден пайда табуға көмектесетінін айтып, уәде береді.
Ұлттық ақпараттық қауіпсіздікті үйлестіру орталығының (ҰҚКҰ) мамандары крипто ойындарын пайдалану және криптовалюта саудасы бойынша бірқатар кеңестерін берді:
- Пайдалану немесе инвестициялау алдында жобаларды мұқият зерттеңіз. Ресми сайттарды, құжаттаманы және шолуларды тексеріңіз.
- Зиян бағдарламаларды болдырмау үшін бағдарламалық жасақтаманы тек ресми көздерден жүктеңіз;
- Деректерді қорғау үшін күрделі құпия сөздер ойлап, екі факторлы аутентификацияны пайдаланыңыз;
- Криптовалютаны сату және сақтау үшін лицензиялары мен реттеуі бар тексерілген криптовалюталарды таңдаңыз;
- Қауіпсіздікті жақсарту үшін негізгі жиынтығыңызды күрделірек жерде сақтаңыз, оларды беткі әмиянға тек аз мөлшерде операциялар жүргізер кезде шығарыңыз;
- Өздерін ресми деп таныстыратын жалған фишингтік ресурстардың сілтемелерінен сақ болыңыз;
- Жеке деректерді немесе алдын ала жарналарды қажет ететін ақша аудару немесе лотереяға қатысу туралы ұсыныстары бар хабарламаларға сенбеңіз;
- Оңай ақша табуға уәде беретін крипто ойындарынан сақ болыңыз.
Бұл нұсқаулар крипто ойындары мен криптовалюта саудасын пайдалану кезінде қаражат пен жеке деректерді қорғауға көмектеседі.