Қазақстанда жаңа қала пайда болмақ
Алматы облысындағы Жетіген ауылы облыстық маңызы бар қалаға айналмақ. Бұл туралы Stan.kz ақпарат агенттігі хабарлайды.
Фото: 5region.kz
Тиісті президент жарлығының жобасы Ашық НҚА порталында жарияланды.
“Алматы облысы Іле ауданы Жетіген ауылы облыстық маңызы бар қалаға жатқызылсын. Алматы облысындағы жаңадан құрылған қалаға "Алатау" атауы берілсін”, – делінген президент жарлығында.
Президент үкіметке облыстың әкімшілік-аумақтық құрылымына енгізілген өзгерістерді жүзеге асыру үшін қажетті шараларды қабылдауды тапсырды.
Жетіген ауылы Алматы қаласының орталығынан солтүстікке қарай 47 шақырымдай жерде орналасқан. 2009 жылғы санақ бойынша ауылда 15 мың адам тұрған.
Талқылау
"Сиыр етінің келісі 6000 теңгеге жетті": Қазақстанда ет бағасының өсуіне не себеп болды
Кейінгі кезде сиыр етінің келісі 6 мың теңгеге жеткені туралы сөздер халық наразылығын тудырды.
"Аурухана мен мәдениет үйі жоқ": Сингапурға айналуы тиіс жаңа қала Алатаудың бүгінгі жай-күйі қалай (Фоторепортаж)
Жетіген тұрғындары қала мәртебесіне үмітпен қарағанымен, шешімін күткен түйткілдер әлі де аз емес