Ақтөбелік құтқарушы әйелі мен қызын перзентханадан қайықпен шығарып алды (видео)
Су тасқыны кезінде Ақтөбе облысында апатқа қарсы күреске тартылған құтқарушының қызы дүниеге келді. Перзентханадағы жұбайы мен cәбиін қайықпен қарсы алуына тура келді. Бұл туралы Stan.kz ақпарат агенттігі хабарлайды.
Асқар Құсайынов Ойыл ауданының өрт сөндіру бөлімінде құтқарушы болып жұмыс істейді. Су тасқынына қарсы күрес кезінде азамат қызды болды.
Ер адам перзентханадан жаңа шыққан қызы мен жұбайын қолына гүлі алып, қайықпен қарсы алды. Себебі ауылмен әлі тікелей байланыс жоқ.
"Ауылға тікелей жолдың болмауына байланысты жас босанған әйел өзеннен қайықпен өтуге мәжбүр болды. Үйге оралған ана мен баланың жағдайы жақсы. Осындай қиын кезеңдерде туған баланың болашағы мықты, жарқын болсын!"- деп тіледі Атырау облысы төтенше жағдайлар департаменті.
Бұған дейін су тасқыны салдарынан Ақтөбе облысындағы бірқатар ауылдар картадан жойылып кетуі мүмкін екенін жазған едік.
Ұстазының жетекшілігімен цирк әлеміне келген қазақстандық егіз Cirque du Soleil-де өнер көрсетеді
Алексей: "Cirque du Soleil-ге өтінім жіберіп, жауабын 4 жыл күттік"
"Түрлі тағам пісіремін, өкшелі аяқкиім киіп, саяхаттаймын": Желіде боянғанын көрсеткен 90 жастағы қазақстандық әже жұртты сүйсіндірді
Күнсара әже: "10-15 күн сайын моншаға барып, көп кітап оқып, әдемі жүргенді ұнатамын”