Ақтөбеде Қасым, Жомарт, Кемел есімді үшем дүниеге келді
Ақтөбеде дүниеге келген үшемдерге Қасым, Жомарт, Кемел есімдері берілді. Мемлекет басшысының есімі қойылған сәбилерді 36 жастағы келіншек он үш жылдан кейін экстракорпоралды ұрықтандыру көмегімен өмірге әкеліпті. Дәрігерлер Ақтөбеде соңғы екі жылда үшем бірінші рет туылғанын айтты, деп хабарлайды Stan.kz ақпарат агенттігі 31-арнаның “Информбюро" бағдарламасына сілтеме жасап.
Анасы мен сәбилері әзірге перинаталдық орталықта дәрігерлердің бақылауында болады. Балалардың туғандағы салмағы 2600, 2100 және 1090 грамм. Дәрігерлер 36 жастағы әйелге "Аңсаған сәби" бағдарламасымен экстракорпоральды ұрықтандыру жасалғанын және келіншекті жоспар бойынша кесарь тілігі арқылы босандырып алғандарын айтып отыр.
“УЗИ-ден үшем деп айтқанда үлкенін Кемел деп шештік бірден. Аман-есен босансам Кемел деп қоямыз дедік. Сосын егіз бала, ер бала деген соң Қасым, Жомарт деп президенттің атын қойдық. Болашағы жарқын болсын. Біздің президент сияқты сауатты болсын дедік”, – дейді үшемнің анасы Қарлығаш Жармағамбетова.
"Жұмыстан шығаруға негіз емес: Астанада туристің видеосынан кейін жұмыстан қуылған полицейлерге қатысты заңгерлер пікір білдірді
Блогермен бірге әзілдесіп, видеоға түсуі қызметтік этика тұрғысынан дұрыс болмаған дейді заңгер
Қазақстандық Америка шөлінің қақ ортасында қалай киіз үй тігіп, 5 мың адамға ет асты
Жобаны Tengri Camp командасы ұйымдастырды