АҚШ пен оның азаматтарына қарсы қылмыс жасаған - Трампқа ресми түрде айып тағылды
АҚШ-тың бұрынғы президенті Дональд Трамп 2020 жылғы президенттік сайлаудың нәтижелерін жоймақ болып, АҚШ пен оның азаматтарына қарсы қылмыс жасағаны үшін ресми түрде айыпталды. Бұл туралы Stan.kz ақпарат агенттігі BBC-ге сілтеме жасап хабарлайды.
Трампқа 3 тамыз күні Вашингтондағы сотқа келуге бұйрық берілді.
2021 жылдың 6 қаңтарындағы тергеуді басқарған, бейтарап арнайы адвокат Джек Смит Трампты төрт бап бойынша айыптады:
- Құрама Штаттарды алдау бойынша қастандық жасау;
- ресми рәсімдерге кедергі жасау үшін сөз байласу;
- қызметтік рәсімдерге кедергі жасау әрекеті;
- азаматтардың құқықтарын бұзатын сөз байласу.
Бұл Трампқа тағылған қылмыстық айыптардың ең ауыры. Осы айыптардың екеуі үшін заң 20 жылға дейін бас бостандығынан айыруды қарастырады.
Ал Трамп болса келесі жылы болатын президент сайлауына қатысуға ниетті.
Вашингтон сотында үлкен қазылар алқасына ұсынылған айыптау қорытындысында Дональд Трамптың 2020 жылғы сайлаудан кейін билікте қалуға бел байлағаны және жеңгені жөнінде "жалған ақпарат таратқаны" туралы айтылады.
45 беттен тұратын айыптауда аты-жөні аталмаған алты сыбайластың тізімі бар: төрт адвокат, Әділет департаментінің қызметкері және саяси кеңесші.
Трамп алдау арқылы федералды үкіметтің қызметіне кедергі келтіріп, залалын тигізу үшін айыпталған.
Прокурорлар Трамп вице-президент Майк Пенсті Джо Байденнің 2021 жылғы 6 қаңтардағы президенттік растауына тосқауыл қоюға тырысты деп айыптады.
"Зорлық-зомбылық дамып келе жатқанда, сотталушы мен оның сыбайластары сайлаудағы алаяқтық туралы жалған мәлімдемелер жасаған. Конгресс мүшелерін осы айыптауларға негізделген сертификаттауды одан әрі кейінге қалдыруға көндіру үшін күш-жігерін екі есе арттырып, мұны пайдаланды", - делінген айыптауда.
Сонымен қатар онда АҚШ-тың көптеген шенеуніктері мен Трамптың сайлауалды науқанының жоғары лауазымды шенеуніктерінің тізімі келтірілген.
Қазіргі уақытта үш бөлек іс бойынша 78 қылмыстық іс қозғалған Трамп президенттікке кандидатура бойынша жарыста көш бастады.
Трамптың өзі жаңа айыптау қорытындысы ресми түрде жарияланғанға өзінің Truth әлеуметтік желісінде былай деп жазды: "Мен ессіз Джек Смит 2024 жылғы президенттік сайлауға араласу үшін маған тағы бір жалған айып тағып жатыр деп естідім. Президент – ол мен".
Джек Смит айыптау қорытындысы Вашингтонның үлкен қазылар алқасына тапсырылғаннан кейін журналистер алдында сөйлеген сөзінде 2021 жылдың 6 қаңтарында Трамп жақтастарының Капитолийге басып кіруіне "айыпталушының өтірік айтуы себеп болғанын" жеткізді.
Еске сала кетейік, бұған дейін АҚШ-тың экс-президенті Дональд Трамп 7 санат бойынша күдікке ілінгені туралы жазып едік.