Соңғы жаңалықтар
Соңғы жаңалықтар

Ақмола облысында он екі күн бұрын із-түзсіз жоғалып кеткен ер адам орманнан табылды

Ақмола облысында он екі күн бұрын із-түзсіз жоғалып кеткен ер адам орманнан табылды, деп хабарлайды Stan.kz ақпарат агенттігі.

Бұл туралы облыстық полиция департаменті баспасөз қызметінің мәлімдеді. Көкшетау қаласының тұрғыны 29 сәуірде жоғалып кеткен. Бұл туралы 6 мамыр күні оның туыстары полицияға хабарлаған.

Белгілі болғанындай, ер адам жұмысқа орналасып, кезекті ауысымнан кейін үйіне келмей қалған. Бастапқыда туыстары өз беттерімен іздеп көреді. Алайда, одан нәтиже шықпаған соң, бір апта өткеннен кейін ғана полициядан көмек сұрайды.



"Жедел-іздестіру шаралары барысында Көкшетау қалалық полиция басқармасының қызметкерлері жақын маңдағы аумақтарды аралап, жоғалған адам туралы ықтимал куәгерлерден, туыстары мен таныстарынан сұрастырды. Нәтижесінде, ер адамның Көкшетау қаласының Бірлік шағынауданы маңындағы орман алқабында тұрақтағаны анықталды. Ол мұндай қадамға неліктен барғанын түсіндірмеді. Қазіргі уақытта полицейлер оқиғаның мән-жайын анықтап жатыр", - деп мәлімдеді полиция басқармасының өкілдері. 

Талқылау