Ақыл-ой қызметін төмендететін жұмыс аталды

Дания ғалымдары физикалық еңбек түрі мен деменцияның дамуы арасындағы байланысты анықтады. Мамандардың зерттеу нәтижелері Medicine & Science in Sports журналында жарияланған.

Ғалымдар еңбек пен спорттың адамға кері әсер ететінін анықтады. Егер орташа ауырлықтағы жүктемелер мен жаттығулар денсаулыққа пайдалы болса, онда ауыр физикалық еңбек, ғалымдардың пікірінше, ішкі органдардың, соның ішінде мидың тозуына әкеледі.

Мамандар ауыр жұмыс деменцияның пайда болу қаупін 55% арттырады деген қорытындыға келді.

Мұндай мәліметтер 1970 жылдардан бастап 4721 ер адамды бақылау барысында алынған.

Мамандардың пікірінше, бұл нәтижелер ауыр физикалық еңбекпен айналысатын қызметкерлер арасында деменцияның алдын алу мәселесіне жұмыс берушілердің назарын аударуы керек.