Әділет министрі еліміздегі жаңа облыстардың қашан бөлінетінін айтты

Әділет министрі Қанат Мусин Қазақстанда жаңа аймақтарды бөлу туралы шешім бір жарым ай ішінде қабылданатынын айтты, деп хабарлайды Stan.kz ақпарат агенттігі. 

"Менің білуімше, облыстардың бюджетін бөлу және шекараны анықтау жұмыстары жүргізіліп жатыр. Жақында ғана ШҚО шекарасы шамамен қалай бөлінетіні туралы ақпарат БАҚ-та жарияланды. Әзірге жаңалық жоқ, жұмыс жүргізіліп жатыр. Жаңа облыстар бойынша Үкіметтің экономикалық блогы айналысып жатыр. Менің ойымша, алдағы бір жарым айда шешім қабылданады", –  деді министр Сенат отырысынан кейін.

• "Казиноларды бұзып, мешіт пен медресе салу қажет": Қонаев болып өзгерген Қапшағай қаласы туралы арнайы репортаж

• Облыстардың екіге бөлінуіне байланысты әкімдердің жалақысы төмендей ме

Айта кетейік, бұған дейін Абай облысына қай аудандардың кіретінін хабарлаған едік. ШҚО облыстық мәслихатының отырысында Абай өңіріне 2 қала мен 8 ауданның кіретіні айтылды.