"Адамдарды аттракционнан сатымен түсірдік": Ақтауда кәсіпкерлер "Ақбота" саябағында жарықтың сөнуіне наразы

Ақтаудағы "Ақбота" паркінде кәсіпкерлер жарықтың кенеттен сөніп қалуына наразылықтарын білдіріп, әкімдік алдында жиналды, деп хабарлайды Stan.kz ақпарат агенттігі Лада басылымына сілтеме жасап. 

22 маусымда сағат 18:00 шамасында кәсіпкерлік нысандарында жарық кенеттен сөніп қалған. 

"Ешқандай ескертусіз жарықты сөндіріп тастады. Аттракциондарла адамдар болған, оларды сатымен түсіруге мәжбүр болдық. Тоңазытқышта балмұздақ еріп жатыр. Жарықты не үшін сөндіргені түсініксіз, электр қуатына қарызымыз жоқ", – деп наразылықтарын айтты кәсіпкерлер. 

Кәсіпкерлік бөліміндегілер кәсіпкерлермен кездесетінін және мән-жайды анықтауға көмектесетінін айтты.