Абай облысында мұз жарылып, суға батып кеткен 5 жасар баланың денесі табылды
Абай облысында мұз жарылып, суға батып кеткен 5 жасар баланың денесі табылды. Бұл туралы Stan.kz ақпарат агенттігі хабарлайды.
Фото: freepik.com
22 желтоқсан күні 12:54-те Үржар полиция бөлімінің "102" арнасына учаскелік полиция инспекторыны Таскескен ауылында балалардың бірі мұз астына түсіп кеткенін хабарлады.
5 жасар екі бала ауылдың шетінде орналасқан Қарақол өзенінде толық қатпаған мұз үстінде ойнаған. Осы кезде кенеттен мұз жарылып, балалардың бірі мұздың астына түсіп кеткен. Оқыс оқиғадан 3 сағаттан кейін еріктілер сәбидің денесін тапты.
“Баланың мәйіті құлаған жерінен 75 метр жерде мұз астынан табылды”, – делінген полиция хабарламасында.
Аймақтағы су қоймаларында мұздың қалыңдығы қазір 3 см-ге жетпейді екен. Полицейлер азаматтарды өз өмірлеріне қауіп төндірмеуге және мұзға шықпауға шақырды.
Қазақстандық компания қазақ тілінде баяндама жасаған қызметкерді жұмыстан қуды деп айыпталды
Қызметкердің жұбайы жұмыс берушіден түсініктеме талап етті
"Қолынан сүйіп, денесін ұстаған": Алматыда 15 жастағы қыз такси жүргізушісінің әрекетінен шошып қалған
Қыздың адвокаты істі қылмыстық тұрғыда тексеруді сұрады