Абай облысындағы Kaz Minerals шахтасында жұмысшы қаза тапты
Фото: istockphoto.com
Абай облысында Kaz Minerals компаниясына тиесілі шахтада жарылыс жұмыстарынан кейін жұмысшы қаза тапты. Бұл туралы Stan.kz ақпарат агенттігі хабарлайды.
Қайғылы оқиға Бородулиха ауданында болған, жұмысшының өліміне байланысты қылмыстық іс қозғалды.
Абай облыстық полиция департаментінің мәліметінше, 19 наурызға қараған түні шахтада жарылыс жұмыстарынан кейін көмірқышқыл газының мөлшері артқан.
Таңертең екі жұмысшы төменге түсіп, ес-түссіз күйде табылды. Оларға көмек көрсету кезінде учаске бастығы да уланып қалған.
Жұмысшылардың бірі қаза тауып, екі адам ауруханаға жатқызылды.
Оқиға орнында тергеу-жедел тобы жұмыс істеп жатыр, істің мән-жайы анықталуда.
Еске салсақ, бұған дейін Абай облысындағы полигонда әскери қызметкер қаза тапқаны туралы жазған едік.
"Өзімізді дәлелдедік": Олимпиадада жүлделі орын алған таэквондошылар Қазақстанға оралды
Спортшыларымыз жай келмей, жүлделі орындармен оралды
Қазақстандық әйел жалға алушыны пәтерінен шығара алмай, сотқа берген: Алайда сот қараудан бас тартты
Пәтер иесі: "Жалдау шартын бұзылған деп тану және жалға алушыны пәтерден шығаруды міндеттеу талабым "кәмелетке толмағандардың істері жөніндегі сотқа жүгіну керек" деген негізбен бас тартылды"