"455 мыңға билет алып отырмын": Гүлзира Айдарбекова ұшақта шу шығарды

Танымал продюсер, кәсіпкер Гүлзира Айдарбекова ұшақта шу шығарып, бортсерікпен ұрысып қалды. Бұл туралы Stan.kz ақпарат агенттігі хабарлайды. 

Фото: https://www.instagram.com/gulziraaidarbekova/

Шоу-бизнес өкілі Оңтүстік Кореяда бір аптадай іс-сапарда болып келді. 

“Елге ұшып келемін. Отбасымызға аман-есен оралайық! Қатты қуанып келе жатырмын. Елге сағынып жетемін. Қыдырған жақсы, үйің болған одан да жақсы. Ұшақта адам аз екен. Жаңа ұйықтаймын деп отыр едім. Бортсерік қызбен ұрысып қалдым. Неге дейсіздер ме? Мен одан екі түрлі дәм сұрадым. Бірі – сиыр еті, екіншісі ащы "чикен". "Бізде ол қалмады, бітіп қалды деп тұр. Ұшақта адам аз. Қалай бітіп қалады?! Түсініксіз. Біз не үшін бизнес класпен ұшамыз?! Қазақстанда да осындай мәселе алдыңнан шыға береді. Негізі аш та емеспін. Өйткені үйге барған сайын келіндерім сүрленген етін асып, күтіп алады. Сонда да бұлардың тірліктеріне таңғалдым, ашуландым. Ақшаны алғанда бәледей өздері. Мысалы, осы ұшақ билетіне 455 мың төледім. Енді соны қалайша реттемейді бұлар?! Сол ақшаның ішіне тамақты неге кіргізбейді? Бұлардыкі мүлдем дұрыс емес", – деп ренжіді продюсер.

• "Жұлдыздың ата-анасын аузына алмайды": Гүлзира Айдарбекова құдағиын жер-көкке сыйғызбай мақтады

• "Жылап отыратын қатын мен емес": Гүлзира Айдарбекова "Қайрат пен Жұлдыздың арасы суып кетті" дегендерге жауап берді

Өнер өкілінің айтуынша, кейін кореялық бортсерік қыздар кешірім сұрап, жағдайды реттеген. 

“Сөзімді түсініп, кешірім сұрады. Негізі тәкаппарлық жоқ екен. Иіліп тұратындары ұнайды. Мейлі, ештеңе етпейді енді. Бірақ сонда да бұлардікі дұрыс емес", – деп жазды Гүлзира Үсенқызы.

Еске салайық, Гүлзира Айдарбекова Қайрат Нұртасты "той әншісі" дегендерге жауап берген еді.