42500 теңге жәрдемақыны бәрі бірдей ала алмайды: Жаңа өзгерістер енгізілді

4 сәуірде көптеген қазақстандықтарға 42500 теңге төленуі мүмкін деген ақпараты бар SMS-хабарлама келген. Алайда SMS келгендердің барлығы төлем ала алмайды, деп хабарлайды Stan.kz.

Бұған дейін хабарланғандай,  eGov деректер базасын қолдану арқылы тарату белсенді түрде жүргізілді. 

Еңбек және халықты әлеуметтік қорғау министрлігі әлеуметтік төлем туралы бұйрыққа өзгерістер жариялады.

42500 теңге жәрдемақыны кім ала алады

Төлемге азаматтардың 7 санаты үміткер бола алады.

  • Төтенше жағдайға байланысты жалақысы сақталмай жұмыстан демалысқа жіберілген шағын және орта бизнес субъектілерінің қызметкерлері.
  • Карантин енгізілген елді мекендерде жұмыс істейтін және осыған байланысты жалақысы сақталмайтын демалысқа жіберілген ірі кәсіпкерлік субъектілерінің қызметкерлері.
  • Жалдамалы еңбекті пайдаланбайтын табыстан айырылған жеке кәсіпкерлер.
  • Жеке практикамен айналысатын адамдар.
  • Бірыңғай жиынтық төлемді (БЖТ) төлеушілер - жеке тұлға.
  • ТЖ салдарынан кірістерін жоғалтқан, міндетті зейнетақы жарналары (МЗЖ) бар азаматтық-құқықтық сипаттағы (АҚС) келісімдер бойынша табыс алатын адамдар.
  • Жалақы сақталмайтын демалыста жүрген коммерциялық емес заңды тұлғалардың (мемлекеттік заңды тұлғалардан басқа) қызметкерлері.

Жалғасы қалай болды?


.42500 теңге әлеуметтік төлем алуға үміткерлер тізіміне кім кірмейді

Төлем алуға үміткер бола алмайды:

  • Төтенше жағдай енгізілген күнге дейін 12 ай ішінде міндетті әлеуметтік сақтандыру жүйесіне бір де бір ай қатысу өтілі жоқ тұлғалар, БЖТ төлейтіндерді қоспағанда.
  • Өтініш берілген күнге дейін 12 ай ішінде міндетті әлеуметтік сақтандыру жүйесіне бір де бір ай қатысу өтілі жоқ БЖТ төлеушілер.
  • Төтенше жағдай енгізілген күнге дейін 12 ай ішінде зейнетақы аударымдарын төлемеген АҚС шарттары бойынша табыс алатын жеке тұлғалар.

Мүмкіндігі шектеулі және табысы аз адамдар үшін қандай жеңілдіктер бар

Әкімдіктерден ТЖ кезеңінде әлеуметтік көмекті I, II, III топтағы мүгедектігі бар азаматтар, ерекше қажеттіліктері бар балалар, ерекше қажеттіліктері бар баланы күтумен айналысатын ата-аналар, сондай-ақ АӘК алушылар алады.

Карантин кезінде азаматтардың қауіпсіздігін қамтамасыз ету мақсатында жиынтықтарды беру ақшалай түрде жүзеге асырылады.

Алушылардың шоттарына 4 АЕК – 10 604 теңге екі траншпен аударылады. Алдымен 2 АЕК, айдың ортасында тағы 2 АЕК аударылады

Бұл туралы жұмыспен қамту және әлеуметтік қорғау басқармасының басшысы Сәуле Нұрғожина хабарлады.

"Nur Otan" партиясымен бірлесе отырып, "Birgemiz" акциясы аясында аз қамтылған отбасыларға - бірінші қажеттіліктегі азық-түлік, гигиеналық құралдар көрсетіледі.

Талқылау
Пікір
Ислам
01 Мам, 20 жыл - 01:12

Жолдасыма 42500 тускен соны кателесип кайтарып жиберипти соны калай кайтадан алуга болады

Ислам
01 Мам, 20 жыл - 01:10

Салеметсиздер ме?Менин айтайн дегеним асп алатындар 42500 алуга болат дединиздер,бирак 1ай болсын есп куйылу керек сол есп куйсак та отказ келет кайта-кайта.Неге олай келет.1жастан аскан балам бар уйдемин

Қазір оқып жатыр
Çàãðóçêà...
Қазір оқып жатыр