"300 келі марихуана сақтаған": Ұлытау облысында есірткі тасымалдаған 5 адам ұсталды
Фото: Polisia.kz
Ұлытау облысында есірткі тасымалдаған топ ұсталды. Олардан 300 келіден астам марихуана табылды. Бұл туралы Stan.kz ақпарат агенттігі Polisia.kz порталына сілтеме жасап хабарлайды.
Топ есірткі тасымалын елдің оңтүстік аймағынан ұйымдастырған. Полицейлер Жезқазған – Қарағанды автожолында бес адамды ұстады.
Күдіктілер есірткі жеткізу маршрутын бақылап отырған. Көлікті тексеру барысында 13 пакет тәркіленіп, оның ішінен 300 келіден астам марихуана табылды. Алдын ала мәлімет бойынша, тәркіленген есірткі шамамен миллионға жуық бір реттік дозаға тең. Қара нарықтағы құны үш миллион АҚШ долларына (1,5 миллиард теңгеге) жетеді.
Күдіктілер уақытша ұстау изоляторына қамалды. Ішкі істер министрлігі есірткіні өндіру мен таратуға қатысты кез келген заңсыз әрекеттің жолын кесу бойынша жұмысты жалғастырып жатқанын мәлімдеді.
"Балалардың қызуы 40°C-қа дейін көтеріліп, ауруханаға түсіп жатыр": Алматыда қандай инфекциялар таралып жатқаны белгілі болды
Маман ата-аналар баланың жағдайын мұқият бақылауы керегін ескертті
“ҚазМұнайГаз” 34 көлікті бес жылға жалдауға 4,2 миллиард теңге жұмсамақ
«ҚазМұнайГаз» 4,2 миллиард теңгеге көлік жалдамақ: компанияның жауабы қандай?