24 жастағы ақтөбелік тұрғын жарты сағат ішінде үш қылмыс жасаған
24 жастағы Ақтөбе қаласының тұрғыны жарты сағат ішінде үш қарақшылық шабуыл жасады, деп хабарлайды Stan.kz ақпарат агенттігі Ақтөбе облысы полиция департаментінің баспасөз қызметіне сілтеме жасай отырып.
"6 тамызда, түстен кейін Әйтеке би көшесінде Ақтөбе қаласының тұрғыны 35 жастағы ақтөбеліктің бір қорап шылымын ұрлап кетті. Сосын сол маңайда жүрген 52 жастағы азаматтың iPhone 8 маркалы смартфонын зорлықпен тартып алып, жалпы көлемі 200 мың теңгеден астам шығын келтірген", - деп хабарлады полиция департаменті баспасөз қызметі.
Полицияның хабарлауынша, күдікті зейнеткерден алтын сырғаларын тартып алуға тырысқан, бірақ бұл әрекеті сәтсіз аяқталады. Арада 15 минут уақыт өткен соң ол дәл сол көше бойында орналасқан кафенің кассасынан 13 мың теңгеге жуық ақша ұрлаған.
Полиция күдіктіні кафеде тұтқындады.
"Тергеу амалдары жүргізілуде. Ұсталған адам Ақтөбе қаласының уақытша ұстау изоляторына қамалды", - делінген хабарламада.
"Роллтонның" орнына бешбармақ: Атырау тұрғыны ұлттық тағамды 5 минутта дайындау жолын тапты
Кәсіпкер үшін бешбармақ – тек тез дайындалатын тағам емес
1 миллион теңге айлық, пәтер мен қызметтік көлік: Мемлекет Құрылтай депутаттарына қандай жағдай жасайды
Құрылтай мен бұрынғы Парламент арасында қандай айырмашылық бар