Мемлекеттік тапсырыстар сайтында 124 мың халқы бар Рудный қаласына 2025 жылы қазақ тілін насихаттау үшін “Тіл мәртебесі – ел мәртебесі” атты мемлекеттік тапсырыс ұсынылған. Тендерге 7 миллион теңге ұсынылыпты.

Тапсырыс беруші – Рудный қаласы әкімдігінің "Рудный қалалық мәдениет және тілдерді дамыту бөлімі" мемлекеттік мекемесі.

Тендерді жеңген ұйым конференция, семинар, форумдар мен түрлі конкурстар ұйымдастыру керек. Сондай-ақ спорттық, мәдени іс-шаралар, мерекелік жиындар өтеді екен. Алайда тендер талаптарында қазақ тілін үйрету курстары туралы сөз қозғалмаған.

Өтетін шаралар:

"ТілQuest" ересектер арасында өтетін танымдық интеллектуалды квиз ойыны – сәуір;
"Үздік жарнама" кәсіпкерлер арасында өтетін жарыс – маусым;
"Ономастика: ізденіс және тәжірибе" ғылыми-практикалық конференциясы – шілде;
Абай Құнанбайұлының 180 жылдығына арналған "Абай Fest" фестивалі – тамыз;
"Абай әлемі – рухани мұра мекені" мәнерлеп оқу байқауы – қыркүйек;
"Алаш арысы-Міржақып" ақындар айтысы – қазан;

Жобаның қорытындысы ретінде қарашада "ТілPremia" салтанатты іс-шарасы өтеді.

Шенеуніктер мемлекеттік сатып алу сайтына тендерді жеңіп алу нұсқаулығын жариялап жіберген – Іс бойынша тергеу басталды

Ақтөбеде 170 миллион теңгеден астам қаржы жұмсалған шағын архитектуралық формалардың тендерін төрт жыл бойы депутат ұтып келген

Әзірге тапсырысты кім орындайтыны белгісіз, өтінімдер қабылданып жатыр. Жеңген ұйым аталмыш іс-шараларды сәуір мен желтоқсан аралығында 9 ай өткізуге тиіс.

Талқылау