Үш жасар Мирас бір жылдан бері Қайрат Нұртасты жылап іздеп жүр (видео)
Алматы қаласының 3 жасар тұрғыны Мирас Аманұлы бір жылдан бері ата-анасын әбден әуреге салған. Әр түні ата-анасына «Мені Қайрат Нұртасқа жеткізіңдер» деп көшеге шығып кетеді екен.
Бұл туралы Stan.kz сайтына Мирастың Меруерт есімді әпкесі хабарлап, видеосын берді.
Онда кішкентай балақай түнгі сағат 02:00-де әнші Қайрат ағасын іздеп көшеге шыққан. Әкесінің көлігіне отырып алып, түспей тұр. Тіпті екі көзі жасқа толып, әншіні көрсе не істейтінін айтып тұр. Әкесінің «Түн болды, ертең барасын» деген сөзіне де алданар емес.
Мирас есін білгелі Қайрат Нұртастың әндерін тыңдап, сөздерін қайталап жүретін көрінеді. Ендігі арманы әнші ағасын көріп, оған өлең оқып беру. Бүлдіршіннің ата-анасы кейде түннің жарымына дейін балаларын үйге кіргізе алмай әуреге түсетіндерін айтады.
Мирастың бала күнгі бұл арманына алғашында көршілері мен туыстары таң қалған көрінеді.
Оқи отырыңыз:
Талғат Жорабаев кезінде сиыр сауып, күбі піскен (фото)
Төреғалидің жұбайымен түскен суреті желіні шулатты
Динара Қырықбаева желідегі қыздың тілін «қысқартуға» уәде етті
Қайта оралған Ninety one тобының жаңа бейнебаяны желіні “жарды” (видео)