Жетісу облысының барлық соттарына бомба қойылғаны туралы хабарламалар келген
3 ақпанда Жетісу облысындағы соттардың электронды мекенжайларына сот ғимараттарына жарылғыш заттардың қойылғаны туралы хабарламалар келіп түсті, деп хабарлайды Stan.kz ақпарат агенттігі.
Мәтінде Алматы облысындағы сот ғимараттарына бомба қойылғаны туралы жазылған. Бұл туралы ақпарат департаменттің Facebook-тегі парақшасында пайда болды.
ҚР ІІМ баспасөз қызметінің хабарлауынша, құрамында арнайы іздестіру иттері бар саперлар тобы облыс аумағында орналасқан барлық сот ғимараттарын тексерді. Тексеру кезінде жарылғыш құрылғылар табылмады.
Хабарламада көрші облыстың көрсетілгені ескеріліп, жинақталған материалдар Алматы облысының полиция департаментіне жолданып, аталған факті бойынша қылмыстық іс қозғалды.
Терроризм актiсi туралы жалған хабарлау - 5000 АЕК-ке дейiнгi мөлшерде айыппұл салу немесе сол мөлшерде түзеу жұмыстары, не 5 жылға дейiнгi мерзiмге бас бостандығынан айыру немесе шектеу жазасы қарастырылған.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген