Жетісу облысында газ құбырларын жөндеуге бюджет есебінен негізсіз 150 млн теңге бөлмек болған
Жетісу облысы Ескелді ауданы Алдабергенов ауылына қаз құбырларын тарту барысында қатаң заңбұзушылықтар анықталды. Бұл туралы Stan.kz ақпарат агенттігі хабарлайды.
Ауыл көшелерінің ұзындығы небәрі 26 шақырым болса, облыстық энергетика және тұрғын үй-коммуналдық шаруашылық басқармасы жобалық-сметалық құжаттамасында 75 километрге бюджет тарапынан артық 150 миллион теңге бөлдіріп алмақшы болған.
"Бұл ретте жұмыс жобасында жұмыс көлемі 26 километр көлемінде бекітілгені көрсетілген, мұны сол орындарға барып дәлелдеген. Жобаға негізсіз енгізілген жұмыстар мен нақты жұмыстар арасындағы айырмашылық 49 км-ден астам желіні құрады. Прокуратура актісі бойынша тапсырыс беруші негізсіз енгізілген жұмыстар жойылды және шарт сомасы азайтылды" - деп хабарлайды облыстық прокуратура.
Жобада қателік жіберген әкімшілік қызметкерлері тәртіптік жауапкершілікке тартылды.
Талқылау
"Аурухана мен мәдениет үйі жоқ": Сингапурға айналуы тиіс жаңа қала Алатаудың бүгінгі жай-күйі қалай (Фоторепортаж)
Жетіген тұрғындары қала мәртебесіне үмітпен қарағанымен, шешімін күткен түйткілдер әлі де аз емес
"Салқын суға салсаң, бояуы шығады": Отандық шоу-бизнес жұлдыздарының шайы халықтың көңілінен шықпай қалды
Экономист: "Шай плантациясы жоқ елде толыққанды өндіріс болмайды"