Астанада жеке сот орындаушылары 87 баланың алиментін ұрлады деген күдікке ілінді
Астана прокуратурасы бұрынғы жеке сот орындаушыларының ақша ұрлау әрекетін әшкереледі. Бұл туралы Stan.kz ақпарат агенттігі хабарлайды.
Ведомствоның хабарлауынша, екі сот орындаушысы қызметін тоқтатқаннан кейін 87 балаға алимент төлеуге арналған қаражатты алты ай бойы басқарған.
"Жеке сот орындаушысы балалар үйінің екі тәрбиеленушісіне 2-ші топтағы мүгедек әкесі аударған әлеуметтік жәрдемақылардан алимент өндіріп берген. Тағы бір жеке сот орындаушысы қайтыс болған алимент төлеушінің банк шотындағы ақшаны алып, жұмсаған", – делінген хабарламада.
Күдікті барлығы 5 миллион теңгені жымқырған. Прокурорлардың араласуымен 34 балаға шығын өтелді, қалғандары бойынша жұмыстар жалғасуда. Алаяқтық және қызметтік өкілеттігін асыра пайдалану фактілері бойынша сотқа дейінгі тергеу амалдары жүргізілуде.
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық
2026 жылы қазақстандықтарға ақшаны қалай сақтаған тиімді – Қаржы сарапшылары кеңес берді
Жаңа жылда қазақстандықтарды қосылған құн салығының өсуі, инфляция бәсеңдеуі сынды жаңашылдықтар күтіп отыр