Соңғы жаңалықтар
Соңғы жаңалықтар

Жансая Әбдімәлік Македонияда өткен шахмат турнирінде үздік бестікке енді

Македонияда Karpos Open 2018 халықаралық шахмат турнирі аяқталды. Аталған сайыста Қазақстан атынан алматылық Жансая Әбдімәлік пен шымкенттік Гүлісхан Нахбаева қатысты.

Ең мықты өнер көрсеткен ойыншы жастар арасындағы әлем чемпионы, алматылық Жансая (U-20) болды. Жансая Әбдімәлік Македонияда өткен турнирде тоғыз ойынға қатысты. Оның ішінде бес рет жеңіске жетіп, 4-еуінде қарсыласымен тең түсті. Осылайша, ол Скопьеде 7 ұпай жинады және 5-ші орынды иемденді. Бұл әйелдер арасындағы ең жақсы нәтиже, деп хабарлайды Stan.kz ақпараттық агенттігі Sportx.kz-ке сілтеп.

Ал шымкенттік Гүлісхан Нахбаева Македониядағы турнирде төрт рет жеңіске жетіп, бір ойынды тең аяқтады. Қазақстан намысын қорғағаан екінші шахматшы пассивте төрт рет жеңіліс тапты. Шымкент қаласынан барған шахматшы осылай 74-ші орынға ие болды.

Турнирге әлемнің 17 елінен 165 шахматшы қатысты. Сайыста болгариялық Радослав Димитров жеңіске жетті. Одан кейін сербиялық Синиша Дражич және македониялық Леон Леваич жүлделі болды. Барлық  үш шахматшы да 7,5 ұпай жинады.

Оқи отырыңыз:

Елордада аутизмге шалдыққан балаларды қолдау мақсатында қайырымдылық науқаны өтілуде

Ақтөбеде қайырымды кәсіпкер студенттерге арнап тегін кафе ашты

 

Талқылау