Жәнібек Әлімханұлы жекпе-жектерден уақытша шеттетілді

Жәнібек Әлімханұлына 2022 жылдың 13 қазанына дейін жекпе-жек өткізуге тыйым салынды, деп хабарлайды Stan.kz ақпарат агенттігі. 

Орта салмақта WBO нұсқасы бойынша әлем чемпионы Жәнібек Әлімханұлы (13-0, 8 КО) 13 қарашада Лас-Вегаста британиялық Дензель Бентлимен (17-2-1, 14 КО) жұдырықтасып, чемпиондық белбеуін қорғаған еді. 

Кездесу нәтижесінде Әлімханұлы төрешілердің бірыңғай шешімімен жеңіске жетті. 

Жекпе-жектен соң Невада штатының Атлеттік комиссиясы боксшыларға денсаулықтарына байланысты бірнеше шектеу қойды, яғни жекпе-жек кезінде алған жарақаттарын емдемей жұдырықтаса алмайды. Оған сәйкес Әлімханұлы 13 желтоқсанда, Бентли 28 желтоқсанда рингке қайта орала алады. Бұл спортшылардың қайта қалпына келуіне арналған.