Жанар Айжанованың қызы күйеуінен ажырасқанын мәлімдеді

Танымал әнші Жанар Айжанованың жалғыз қызы Айжұлдыз Адайбекова күйеуінен ажырасқаны туралы мәлімдеді. Бұл туралы ол әлеуметтік желідегі парақшасында жариялады, деп хабарлайды Stan.kz ақпарат агенттігі. 

Айжұлдыз Абайбекова күйеуінен ажырасып кеткенін ашып айтты. Оған себеп келін-ене тақырыбы екенін жасырмайды. 

“Осы уақытқа дейін “Қыран қайда?” деген сұрақты жиі қойдыңыздар. Біз әлдеқашан ажырасып кеткенбіз. Жеке өмірім жайлы көпшілік алдына салып, талқылауды қаламаймын. Мен құрбан емеспін. Бір нәрсені айта кетейін. Мені де келін-ене тақырыбы айналып өтпеді. Осымен бәрі түсінікті болған шығар деп ойлаймын. Өткен өміріме ризамын. Мұнымен тоқтамаймын”, – дейді ол. 

• Жанар Айжанованың қызы әкесіне қымбат көлік сыйлады


• "Енеммен танысарда қатты қорықтым": Жанар Айжанованың күйеу баласы алғаш рет сұхбат берді

9 ай бойы жүктілігін жасырып келген Айжұлдыз жақында ғана ұл босанды. Ол жүктілік кезеңі ауыр өткенін де жазды. Ұлының есімін Назар деп қойған. 

“4 ай бойы токсикоз. Бала түсу қауіпі. 9 айда екі ота. Бұл жол маған оңай соқпады. Бірақ еңсердім. Мына өмірге қош келдің, Назар! Сені бар жан-тәніммен күттім”, – деп жазды ол желідегі жазбасында.

 Еске салсақ, өткен жылы Айжұлдыз Адайбековаға қазақстандық танымал видеограф Қыран Талапбек үйленуге сөз салған еді. Жаз айының соңында Жанар Айжанова жалғыз қызын ұзатқаны туралы жазған едік.