Жаңаөзенде екі әйелдің ойын алаңында төбелескені әлеуметтік желілерде таралды (видео)

Жаңаөзенде екі әйелдің Арбат ойын-сауық алаңында төбелесіп жатқаны әлеуметтік желілерде таралды деп хабарлайды Stan.kz ақпарат агенттігі.

Түсірілімнен скриншот

Екі әйел балалардың көзінше бір-бірін ұрып-соқты. Жаға жыртысқан әйелдердің балалары жылап жатқаны бейнежазбаға түсіп қалған.

Маңғыстау облысының полиция департаменті бұл оқиғаға түсініктеме берді.

"Тәртіп сақшылары екі әйелдің жеке басын анықтады, олар полицияға жеткізілді", – деді Маңғыстау облысы ПД баспасөз қызметі.

Белгілі болғандай, әйелдер бір-біріне арыз жазбады. Олармен профилактикалық әңгіме жүргізілді.