Жаңа босанған қазақстандық әйел палатадағы көршілерін алдап кеткен
Ақтөбеде жаңа босанған әйел перзентханада палатадағы көршілерін алдап кеткен. Бұл туралы Stan.kz ақпарат агенттігі Polisia.kz сайтына сілтеме жасап хабарлайды.
Ақтөбе қаласының полиция басқармасы алаяқтық дерегіне қатысты екі адамнан арыз түскенін мәлімдеді. Жәбірленушілердің айтуынша, жыл басында олар перинаталдық орталықта болған, онда босанған әйелдердің бірі 5 миллион теңге көлемінде кепілсіз несие ресімдеуге көмек ұсынған.
“Қызметі” үшін ол 90 мың теңге көлемінде ақша сұраған. Екі босанған әйел оған қажетті соманы картаға аударыпты. Алайда уәде етілген несиені де, берген ақшасын да ала алмаған жәбірленушілер полицияға арызданды.
Полиция қызметкерлеріне күдіктінің жеке басын анықтау қиынға соққан жоқ, ол облыс орталығының 34 жастағы тұрғыны болып шықты. Алаяқтық фактісі бойынша сотқа дейінгі тергеп-тексеру жүргізіліп жатыр.
Діни сауаттылық не үшін маңызды: Алматы тұрғындары дін туралы ақпаратты қайдан алады
Дінтанушы Әл-Фараби Болатжанның айтуынша, діни сауатсыздық пен тексерілмеген дереккөздер адамды радикалды көзқарасқа жетелеуі мүмкін
"Қолым мен аяғымнан айырылдым": Атырау мұнай өңдеу зауыты жұмысшыға берген уәдесін орындамай отыр
Аппеляциялық сотты Мейрамбек Ғалымжан жеңіп шықты