Телефон үшін ұлын ұрған қазақстандық сотқа тартылды
Фото: depositphotos.com
Жамбыл облысында сот жас баласына күш көрсеткен әкеге қоғамдық жұмысқа тарту түріндегі жаза тағайындады. Бұл туралы Stan.kz ақпарат агенттігі хабарлайды.
Сарысу аудандық соты кәмелетке толмаған балаға қатысты ұрып-соғу фактісі бойынша Қ есімді азаматқа қатысты қылмыстық істі қарады.
Сот материалдарына сәйкес, 2025 жылдың шілдесінде Жаңатас ауылында Қ өз үйінде ұлына түні бойы телефонмен ойнағаны және таңертең уақытында оянбағаны үшін ашуланып, оны “тәрбиелеу” мақсатында бетінен ұрған.
Прокурор соттан сотталушыға 100 сағаттық қоғамдық жұмыс түрінде жаза тағайындауды сұрады. Қ өз кінәсін толық мойындап, өкініш білдірді. Жәбірленушінің анасы күйеуін кешіретінін жеткізді.
"Кінәні мойындауды, шын жүректен өкінуді және жас баланың болуын жеңілдететін мән-жай ретінде танып, сотталушы Қ.-ға Қылмыстық кодекстің 109-1-бабы 2-бөлігінің 8 тармағы бойынша 100 сағаттық қоғамдық жұмыстар түрінде жаза тағайындайды", – делінген сот үкімінде.
Үкім заңды күшіне енді.
Еске салсақ, осыған дейін Ақтауда төрт баланы ұрып-соғып, басын шелекке тыққан өгей әкеге қатысты қылмыстық іс қозғалғанын жазғанбыз.
Талқылау
“Қазақ әйелін аяққа таптайды, байлар жарысады: Тоқал алуды заңдастырудың соңы неге әкеп соғады?
Депутат Абзал Құспан тоқал алуды заңмен реттеу қажет екенін айтқан еді
Қазақстанда Coca Cola мен Pepsi сусындарының өндірісі тоқтай ма: Желіде жұртшылық алаңдаушылық танытты
Тұтынушы: "Енді бізге "Кола" Өзбекстаннан әкелініп жатыр екен"