Жамбыл облысында автобус апатынан екі жолаушы мерт болып, 33 адам зардап шекті
12 мамыр күні сағат 15:50 шамасында "Батыс Еуропа-Батыс Қытай" тас жолының 571-шақырымында ірі жол апаты болып, екі адам қаза тауып, тағы 33-і зардап шекті деп хабарлайды Stan.kz ақпарат агенттігі Жамбыл облысының полиция департаментіне сілтеме жасап.
Алдын ала мәлімет бойынша, ауа райының нашарлауынан (жаңбыр мен бұршақ) автобус жүргізушісі рөлді басқара алмай, сол бағытта келе жатқан трактор тіркемесімен соқтығысқан.
"Жол апаты салдарынан жүргізушінің көмекшісі мен автобустың жолаушысы оқиға орнында көз жұмды. 33 адам ауруханаға жеткізілді, оның үшеуі жансақтау бөлімінде жатыр", - деп хабарлады Жамбыл облысының полиция департаменті.
Қазіргі таңда аталған факті бойынша Қазақстан Республикасы Қылмыстық кодексінің 345-бабының 4-бөлігі (Екі және одан да көп адамның өліміне әкеп соққан жол жүрісі немесе көлік құралдарын пайдалану қағидаларын бұзу) бойынша сотқа дейінгі тергеу басталды. Қажетті сараптамалар тағайындалды.
Талқылау
"Курьер болып күніне 100 мың теңгедей ақша табуға болады": Үш жыл Америкада тұрып жатқан қазақстандықтар елге неге қайтқысы келмейтінін айтты
Ерлі-зайыптының екінші ұлдары АҚШ-та дүниеге келген
Әлеуметтік желіде танымал қала әкімі кім: Шымқала басшысы 109 мың, Петропавл әкімі 2 мыңнан аса адамға есеп береді
Оқырмандардың сұрақтарына Алматы қаласы əкімдігінің қоғамдық қабылдау бөлмесі жауап береді