900 мың теңгеге дейін жетеді: Алматыда пәтер жалдау ақысы күрт өскені рас па
Қазақстанда азаматтар пәтер жалдау құнының шарықтап кеткенін айтып, шағымданған. Олар мұны Ресейде жартылай мобилизацияның жариялануы және шетелдіктердің көптеп келуімен байланыстырды. Алайда сарапшылар бағаның бірден өспегенін айтып, сендірді, деп хабарлайды Stan.kz ақпарат агенттігі.
Желіде тұрғындар пәтер жалдау құнының бір күнде-ақ қымбаттағанын жарыса жазуда. Сөздерінше, бір бөлмелі пәтер жалдау бағасы қазір 400-900 мың теңгеге дейін жетеді.
Krisha.kz мәліметінше, 21-22 қыркүйек аралығында баға өзгерісі байқалмаған. Сарапшылар 22 қыркүйек бойынша жағдайдың тұрақты екенін айтады.
Жалға алу бойынша орташа баға келесідей:
- Алматы – шаршы метрі үшін 5 172 теңге;
- Астана – шаршы метрі үшін 3 500 теңге;
- Шымкент – шаршы метрі үшін 2 273 теңге.
Сарапшылардың пайымынша, қыркүйектен бастап пәтер жалдаудың орташа құны Алматыда 0,6%-ға көтерілсе, Астанада 1%-ға төмендеген.
"Тәулік бойынша баға тұрақты. Нарықтағы бағадан жоғары хабарламалар болған. Тексердік, дүрбелең жоқ. Бағаны жаппай өзгерту байқалмады", – деп мәлімдеді Krisha.kz сарапшылары.
Талқылау
Радикализмнен қорғанудың жолы – иммунитет қалыптастыру: Теріс ағымнан сақтануда сақтануда діни білімнің маңызы қандай
Әл-Фараби Болатжан: “Надандық бар жерде радикалдық ағым кең етек жая бастайды”
"Несиенің пайыздық мөлшерлемесі азаяды": Сарапшы коммерциялық банктер тұрғын үй жинағын енгізсе қандай өзгерістер болатынын айтты
Сарапшы: "Бұл ұзақ мерзімді перспективада банктік жүйеге де оң әсер етеді. Уақыт өте келе қаржыландыру арзандайды, яғни ставкалар төмендеп, неғұрлым қолайлы деңгейге жетеді”