СҚО-да ұлы мен қызын құтқармақ болған әкенің өзі суға батып кетті
Отбасымен жабайы жағажайға келген 37 жастағы ер адам суға батып, көз жұмды, деп хабарлайды Stan.kz ақпарат агенттігі "Еуразия бірінші арнасына" сілтеме жасап.
Қайғылы оқиға Солтүстік Қазақстан облысына қарасты Ефремка ауылының маңында болған. Рұқсат етілмеген жерде шомылып жүрген ер адамның ұлы мен қызын бір сәтте қатты ағыс алып кетіпті. Мұны көрген әкесі бірден көмекке ұмтылып, құтқарып қалған. Өкінішке қарай, өзі өзеннен шыға алмады.
Құтқарушылар оны кеш батқанша іздеген. Іздеу шаралырының нәтижесінде, сүңгуірлер мәйітті жағадан 30 метр жерден тауып алыпты.
"Күші таусылған ер адам екінші баласын құтқарып жатқанда, мен батып бара жатырмын деген айқайлаған дауысы ғана естілді. Бұл шомылуға тыйым салынған жер. Осы маңнан 300 метр жерде суға түсуге рұқсат етілген жағажай бар. Олардың неліктен тыйым салынған жерге барып шомылғаны белгісіз", - деді облыстық ТЖД басшысының орынбасары Нұрлан Атығаев.
Қолданыста жүргеніне 50 жылдан асқан: Астанадан ұшқан қазақстандық ұшақтағы түсқағазды көріп жағасын ұстады (видео)
Желі қолданушысы: "Қатты дыбыстан құлақ бітіп қалды, ұшақ қирап қалатындай көрінді"
Маска мен мұрын фильтрі алматылықтарды лас ауадан расымен қорғай ма: Мамандар құралдардың қайсысы тиімді екенін түсіндірді
Масканың көмегі болуы үшін оның FFP2 немесе N95 түрін таңдау керек