Зарина Дияс Жапониядағы турнирдің екінші айналымында алаңға шықпады
Қазақстандық теннисші Зарина Дияс Жапонияда өтіп жатқан ITF W75 турнирінің екінші кезеңінде алаңға шықпады. Бұл туралы Stan.kz ақпарат агенттігі хабарлайды.
Фото: Tennis-warehouse.com
Жапонияда өтіп жатқан ITF W75 турнирінің алғашқы кезеңінде жеңіске жеткен Зарина Дияс екінші айналымдағы қарсыласына қарсы матчқа шықпай қалды. Жарақатына байланысты екі жылдық үзілістен кейін кортқа қайта оралған отандасымыз әлемнің 214-ракеткасы, таиландтық 21 жастағы Мананчэйа Савангкаевке қарсы ойнау керек еді. Бірақ белгісіз себептерге байланысты Зарина алаңға шықпай, жеңіс қарсыласына берілді.
Айта кетейік, әлемнің бұрынғы 31-ракеткасы иығынан алған жарақатқа байланысты ұзақ уақытқа спорттан қол үзіп, жарыстарға қатыса алмаған еді.
Талқылау