Астанада ұлттық ұланның сарбазы басына оқ атып көз жұмды
Астанада ұлттық ұланның әскери қызметкері мерт болды. Бұл туралы Stan.kz ақпарат агенттігі хабарлайды.
Ұлттық ұланның баспасөз қызметінің мәліметінше, қайғылы оқиға 9 қазанда болған.
6636 әскери бөлімнің әскери қызметшісі қатардағы Қайсар Сұлтанов әскери қалашықты күзету жөніндегі кезекші бөлімшенің құрамына кірген.
"Сағат 01:20 шамасында штаб бойынша кезекші және бөлімше командирі қызметті тексеру кезінде қатардағы Сұлтановтың өз бекетінде басына оқ атып, жаралы жатқанын байқады. Сарбаз жедел жәрдем жеткенше көз жұмды", – деп мәлімдеді ұлттық ұланның баспасөз қызметі.
Сондай-ақ оқиғаның мән-жайы анықталып жатқаны атап өтілді. Қызметтік тергеу жүргізілуде.
Бұған дейін Жамбыл облысында ұлттық ұланның үш офицері жаттығу кезінде жарақат алғаны хабарланды.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған