Василий Левит Токио Олимпиадасындағы алғашқы жекпе-жегінде нокаутпен ұтылды

Бокстан Қазақстан командасының тағы бір мүшесі Токио Олимпиадасын аяқтады. Рио Олимпиадасының күміс жүлдегері Василий Левит Токиода бірінші айналымнан аса алған жоқ, деп хабарлайды Stan.kz ақпарат агенттігі Olympic.kz-ке сілтеме жасап. 

91 келіде бақ сынайтын Левит Испания намысын қорғайтын кубалық Эммануэль Рейеске қарсы шыққан болатын.

Кездесудің бірінші раунды 3:2 есебімен қарсылас пайдасына аяқталды. Ал екінші раундтың басында қарсыласының ауыр соққысын өткізіп алған Левитке төрешілер техникалық нокаут жазды. 
Жекпе-жек мерзімінен бұрын аяқталып, Испания өкілі келесі айналымға өтті.