Үндістанда лаңкестер тобы туристерге оқ жаудырып, 27 адам қаза тапты
Үндістанда террористер жергілікті тұрғындар мен туристерге оқ жаудырды. Бұл туралы Stan.kz ақпарат агенттігі хабарлайды.
News18 India телеарнасының мәліметінше, шабуыл нәтижесінде 27 адам қаза тапқан.
"Лашкар-е-Тайба лаңкестік ұйымына байланысы бар бір топ лаңкес Кашмир аймағындағы Байсаран аңғарында туристер тобына шабуыл жасап, 27 адамды өлтірді", – делінген ақпаратта.
Дәрігерлердің мәліметінше, 12 адам жарақат алған, олардың жағдайы тұрақты. Зардап шеккендердің барлығы Үндістан азаматтары екені белгілі.
Куәгерлердің айтуынша, әскери киімдегі екі қаруланған адам атпен серуендеп жүрген туристерге оқ жаудырған. Шабуыл ормандары, таза көлдері арқылы танымал және көптеген туристер демалу үшін таңдайтын Байсаран аңғарында болған.
"Арықтататын дәрі ішемін деп бір өлімнен қалдым": Қазақстандық қыз-келіншектер салмақ тастау үшін денсаулығын қалай қатерге тіккенін айтты
Арықтататын өнімдерді қабылдағаннан кейін денсаулығында түрлі жағымсыз өзгерістер болғанын жазған қыз-келіншектер аз емес
Алматыдан Балиге дейін велосипедпен жеткен қазақстандық жұп 10 айлық сапары туралы айтып берді
Алина: "Таиландта бізді тонауға тырысты, Қытайда балшық үйде тұратын адамдармен кезіктік"