Үндістан мен Пәкістан қақтығысы: Екі елдегі қазақстандықтар әзірге эвакуацияланбайды
Фото: pixabay.com
Сыртқы істер министрлігі Үндістан мен Пәкістанның әскери қақтығысы аясында қазақстандықтардың эвакуацияланбайтынын айтты. Бұл туралы Stan.kz ақпарат агенттігі хабарлайды.
Сыртқы істер министрінің бірінші орынбасары Ақан Рахметуллин Үндістан мен Пәкістандағы қазақстандықтарды әлі эвакуациялау жоспарланбағанын алға тартты.
“Екі елде де біздің азаматтарымыз бар. Менің білуімше, Пәкістанда Үндістанға қарағанда көбірек. Бұл – біз білетін, консулдық есепте тұрған азаматтар. Қазір толыққанды соғыс жоқ, тек шекара аумақтарына жеке соққылар бар. Сондықтан қазір эвакуация туралы мәселе туындамайды”, – делінген хабарламада.
Еске салсақ, Үндістан мен Пәкістан арасындағы шабуыл соққылары кезінде аспанда 57 коммерциялық ұшақ болғаны туралы хабарлаған еді. Олардың арасында Сауд Арабиясы, Катар, БАӘ, Таиланд, Оңтүстік Корея және Қытай авиакомпанияларының ұшақтары болған.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған