Үндістан халық саны бойынша Қытайдан озады - сарапшылар
Сарапшылар Үндістан 2023 жылы халық саны бойынша Қытайдан озып кетеді, деп хабарлайды Stan.kz ақпарат агенттігі World Population Review сайтына сілтеме жасап.
World Population Review статистикалық ұйымы жүргізген зерттеуде Үндістан халқының саны – 1 422 706 266, ал Қытайда 1 425 831 275 адам бар.
Үндістан 2023 жылы әлемдегі ең көп қоныстанған ел ретінде Қытайдан асып түседі деп болжануда. Қытайдың жылдық өсу қарқыны 0,1-ден -0,3 пайызға дейін, ал Үндістанның өсу қарқыны 0,69-дан 0,92 пайызға жетті.
Біріккен Ұлттар ұйымының (БҰҰ) есебінше, 2050 жылы әлем халқының саны шамамен 9,7 миллиардқа жетеді.
Өсу тенденцияларын ескере отырып, БҰҰ Қытайдың халқы 2060 жылға қарай 1,2 миллиардқа дейін азаяды, ал Үндістанның халқы 1,7 миллиардқа дейін өседі деп болжауда.
Қазіргі уақытта АҚШ әлемдегі халық саны бойынша үшінші ел, бірақ 2040 жылдардың басында олар халық саны бойынша төртінші орынға түсуі мүмкін. Оның орнына 2022 жылы өсу қарқыны 2,39% Африка елі Нигерия әлемдегі халық саны бойынша үшінші ел болады.
Нигерия халқы 2050 жылға қарай 377-410 миллион адамға жетеді, ал АҚШ-та шамамен 375-390 миллион адам болады.
Үндістан ресми түрде өз тұрғындарының саны туралы соңғы мәліметтерді жарияламады. Бұл елде санақ әр он жыл сайын өткізіледі, бірақ 2021 жылы бұл процедура коронавирустық пандемияға байланысты ол кейінге қалдырылды.