UFC-дегі қазақстандық спортшы қыз үшінші жеңілісіне ұшырады
UFC-дегі жалғыз қазақстандық қыз Мария Агапова кезекті жекпе-жегінде жеңіліске ұшырады. Бұл туралы Stan.kz ақпарат агенттігі хабарлайды.
Фото: UFC
Қазақстандық аралас жекпе-жек шебері Мария Агапова Денвер қаласында өткен UFC on ESPN 59 турнирінде жұдырықтасып, жеңіліске ұшырады. Екі жылға жуық үзілістен кейін шаршы алаңға қайта шыққан отандасымыз бразилиялық Луана Сантостан (8-1) бірінші раундта қылқындыру әдісімен жеңіліп қалды. Сөйтіп Агапова UFC тұжырымындағы үшінші жеңілісіне ұшырады.
"Мені сексуалды құлдыққа сатқысы келеді": UFC-дегі қазақстандық спортшы қыз көмек сұрады
Айта кетейік, Мария Агапова кейінгі рет шаршы алаңға 2022 жылы шығып, жеңіліске ұшыраған еді. Бұл отандасымыздың UFC тұжырымымен келісімшартындағы соңғы жекпе-жегі болған.
Талқылау