Қала орталығындағы жолдарда көп шақырымдық кептелістер бірнеше күнге жалғасты. Адамдар кептелісте бірнеше сағаттап тұрады. Тұрғындар кезігіп жатқандықтан, көліктен түсіп, әрі қарай жаяу жүргенді құп көреді.
Айтуларынша, автобустар да көрінбейді, кейбірі бағытын өзгертіпті.

“Жаяу жүремін, өйткені автобустар жүрмейді және олар жай ғана Березовскийге ғна бұрылады. Кептелістерге байланысты көлік жүргізу мүмкін емес. Жөндеу жұмыстарын сенбіде, жексенбіде немесе түнде жасаса болады ғой”, – деді алматылық тұрғын Татьяна Хильтова.

Жөндеуді қажет етпейтін жерлерде де асфальт пен жиектерді ауыстырғаны алматылықтардың шамына тиді.

“Жаңаны жаңасына ауыстыра береді. Қазақфильмде жиектерді үшінші рет өзгертуде, арықтар қайта-қайта ауыстырылады. Жаңасын салады, сосын қайтып бұзады. Бұл жай ғана елді тонау үшін жасалған”

“Мен барлық жерге кешігіп жүрмін”.

“Неліктен сағат 12-де олар бәрін қаза бастайды?”

“Ең қымбат нәрсе – ол уақыт. Адамдардың уақыты кептелісте сарқылуда, бұл – масқара. Үкіметтен біреу тұрып көрсе, оның не екенін түсінер еді”. Осылай Алматы тұрғындары өз наразылықтарын жеткізді.

Көлік кептелісі бірден қаланың бірнеше негізгі магистральдарында байқалады.

Қала билігі мұнымен келіспейді. Олар халықтан түсіністік пен шыдамдылық танытуды сұрайды.

“Жиектер ауыстырылады деген ақпарат мүлдем дұрыс емес. Көріп отырғаныңыздай, бұрынғы бордюрларды тек өзгертеді. Тек кейбір жиектер асфальтбетон жабынының биіктік белгілері бойынша төселген”, – деді Алматы қалалық мобильділік басқармасының басшысы Сағындық Телібаев.

Алматы билігі магистральдық көшелердегі барлық жол-жөндеу жұмыстарын оқу жылы басталғанға дейін аяқтауға уәде береді. Тіпті мұның бәрі он жылға жарайтынына кепілдік береді. Бірақ алматылықтар келесі жазда мегаполисте тағы да жөндеу болатынына сенімді.

Осыдан кейін Алматы әкіміне қарсылықтар көбейді. Оның отставкаға кетуін талап ететін петиция жарияланғаны хабарланған еді.

Талқылау