Түркия президенті өмір бойына бас бостандығынан айырылған жеті генералға рақымшылық жасады

Режеп Тайып Ердоған 27 жыл бұрын әскери төңкеріске қатысы болған жоғары лауазымды әскери шенділерді босату туралы жарлыққа қол қойды. Бұл туралы Stan.kz ақпарат агенттігі Информбюро жаңалықтарына сілтеме жасап хабарлайды.

Фото: https://news.am/rus

Оған сотталғандардың жасы ұлғайып, созылмалы ауруларға шалдығуы себеп болған.

Осылайша, 2018 жылы әскери төңкеріс жасауға оқталды деген айыппен ауыр жаза арқалаған 14 адам мерзімінен бұрын бостандыққа шығатын болды. Олардың қатарында генералдар да бар.

Айта кетейік, 1997 жылы Түрік қарулы күштерінің қолбасшылығы арнайы меморандум шығарды. Соған сәйкес исламшыл әл-ауқат партиясының жетекшісі Нежметтин Ербакан басқарған министрлер кабинетінің отставкаға кетуі талап етілді. Содан кейін болған әскери төңкеріс сәтсіз аяқталған еді. Бұл оқиға "28 ақпан ісі" деген атаумен Түркия тарихында қалған еді.