Рас-Лаффан газ кешеніндегі жарылыс: Тоқаев Катар әміріне көңіл айтты
Мемлекет басшысы Қасым-Жомарт Тоқаев Қатар Әміріне көңіл айту жеделхатын жолдады. Бұл туралы Stan.kz ақпарат агенттігі хабарлайды.
Тоқаев Рас-Лаффан өнеркәсіптік орталығында болған қайғылы оқиға салдарынан көптеген адамның жарақат алуына және із-түзсіз жоғалуына байланысты Қатар Әмірі шейх Тәмим бен Хамад Әл Тәниге көңіл айтты.
“Осындай қиын сәтте Қатарға тілектеспіз және адамдарды іздестіру-құтқару жұмыстарына қолдау білдіреміз. Қазақстан қажет болған жағдайда көмек көрсетуге дайын”, – делінген жеделхатта.
ОқыңызАйта кетейік, 21 маусымда Қатардағы Рас-Лаффан газ кешенінде жарылыс болды. Бұл – сұйытылған табиғи газ өндіру және экспорттау бойынша әлемдегі ең ірі орталық.
Қатар Энергетика министрлігі мен мемлекеттік QatarEnergy компаниясы 13 адамның қаза тапқанын ресми түрде растады. Тағы 66 қызметкер түрлі дәрежедегі жарақат алған. Оқиға орнында ауқымды іздестіру-құтқару жұмыстары жүргізілуде.
Қатар энергетика министрі Саад әл-Кааби бұл жағдай ішкі техникалық ақау салдарынан болғанын, диверсия немесе жау тарапынан жасалған шабуыл емес екенін атап өтті.
Алматы облысында туғанына 5 күн болған сәби көз жұмды: Туыстары дәрігерлерді нәрестені жерге құлатып алды деп айыптады
Толғағы жедел келген әйелді зембілмен емес мүгедектер арбасымен тасыған кезде сәби кенет дүниеге келген
"Ұятпен қорғалған қатыгездік": 10 жыл бұрын топтық зорлық құрбаны болған Жібек әділдікке қалай қол жеткізді
Сот төрт айыпталушыны кінәлі деп таныды