Байсуфинов Қазақстан ұлттық футбол құрамасының бас бапкері қызметінен кетті

Қазақстан футбол федерациясы Талғат Байсуфиновтың отставкасын қабылдады. Бұл туралы Stan.kz ақпарат агенттігі хабарлайды. 

“Талғат Байсуфинов ұлттық құраманы басқарған кезеңінде команда ең жақсы нәтижелерінің бірін көрсетті. Соның ішінде әлем чемпионатының іріктеу кезеңінде Бельгиямен өткен ойындағы өз алаңындағы тең ойын да атап өткен жөн”, – деп мәлімдеді Қазақстан футбол федерациясы. 

Оның жетекшілігімен құрама сенімді ойынға қайта оралып, FIFA рейтингінде де позициясын жақсартқан.

Федерация Талғат Байсуфиновуке кәсібилігі, іске адалдығы және ұлттық құраманың дамуына қосқан үлесі үшін алғыс айтып, алдағы қызметіне табыс тіледі.

Оқыңыз

FIFA Series 2026: Байсуфинов Қазақстан құрамасына шақырылған нақты футболшыларды жариялады Оқыңыз

 Айта кетейік, Талғат Байсуфинов бұған дейін 2016-2017 және 2020-2022 жылдар аралығында ұлттық құраманың бас бапкері қызметін атқарған. Осылайша, ол ұлттық құраманы үшінші рет тізгіндеп отыр.

2025 жылы Байсуфинов қайта келгеннен кейін қазан айында ұлттық құрама екі матч өткізіп, төрт ұпай жинады. Қазақстан құрамасы Лихтенштейнді 4:0 есебімен айқын жеңіп, Солтүстік Македониямен өткен кездесуде тең нәтиже тіркеді.

Қараша айында Астанада өткен 2026 жылғы әлем чемпионатының іріктеу кезеңінде Қазақстан Бельгиямен 1:1 есебімен тең ойнады. Ал Хорватияның Пула қаласында Фарер аралдарына қарсы өткен жолдастық матчта ұлттық құрама жеңіліс тапты.

Клубтық деңгейде Талғат Байсуфинов "Есіл-Богатырь" (Петропавл), "Ақсу", "Ертіс" (Павлодар) және "Ақжайық" (Орал) командаларын басқарған. Сондай-ақ Қазақстанның жастар құрамасымен де жұмыс істеген.

Футболшы ретіндегі мансабында ол "Ертіс", "Металлург", "Еңбек", "Экибастузец", "Жетісу" және "Восток" клубтарының намысын қорғады.