Теннисші Елена Рыбакина 2025 жылды жеңіспен бастады
Теннисші Елена Рыбакина Аустралияда өтіп жатқан United Cup-2025 турнирінде Германия өкілі Лаура Зигемундты жеңді. Бұл туралы Stan.kz ақпарат агенттігі хабарлайды.
Фото: gotennis.ru
Әлемдік рейтингте 6-орында тұрған Елена Рыбакина Германия құрамасының 80-орын иеленген теннисшісі Лаура Зигемундпен кездесіп, екі сетте жеңіске жетті. Есеп 6:3, 6:1. Бұл матч Қазақстан мен Германия арасындағы командалық кездесудің бір бөлігі болды.
Айта кетейік, Елена Рыбакинаның бұл жаңа маусымдағы қатарынан үшінші жеңісі. Бұған дейін Рыбакина Испания өкілі Джессика Бусас Манейродан (54-орын) 6:2, 6:3 есебімен басым түссе, Грекияның өкілі Мария Саккариді (32-орын) 6:4, 6:3 есебімен жеңген еді.
Еске салайық, бұған дейін Елена Рыбакина British Open турнирінен кейін қазақстандық қыз Олимпиадаға қатысуы керек еді. Алайда ол денсаулығына байланысты турнирден бас тартты. Теннисші Олимпиада ойындарынан бас тартқаннан кейін желіде қызу талқыға түсті. Қазақстандық боксшы Балауса Мұздыман Елена Рыбакинаны тек ақша қызықтыратынын айтып, ашуланды.
