"Температура біртіндеп жоғарылайды": Елімізде алдағы күндерге арналған ауа рауы болжамы белгілі болды
Қазгидромет еліміз бойынша 2-4 шілдеге арналған ауа райы болжамын жариялады. Еліміздің кей бөлігінде жаңбыр, кей жерінде +42°С-қа дейін аптап ыстық болмақ. Бұл туралы Stan.kz ақпарат агенттігі хабарлайды.
Фото: Freepik.com
Синоптиктердің айтуынша, алдағы күндері Қазақстан аумағының басым бөлігіне кең ауқымды циклон әсер етеді. Сол себепті елдің көп бөлігінде жаңбыр жауып, найзағай, бұршақ пен қатты жел болады. Еліміздің солтүстігінде, оңтүстік-шығысында, шығысында және орталығында қатты жаңбыр болжанды. Тек республиканың батысы мен оңтүстігінде ауа райы жауын-шашынсыз болмақ.
Қазақстанның басым бөлігінде ауа температурасы күндіз солтүстік-батыста +28+35°С-қа дейін, солтүстікте +20+28°С-қа дейін, орталықта +22+33°С-қа дейін, оңтүстік-шығыста +27+36°С-қа дейін, оңтүстікте +33+38°С-қа дейін біртіндеп жоғарылауы болжанып отыр. Еліміздің батысында +35+42°С-қа дейін қатты ыстық болады.
Талқылау