Температура төмендеп, жел күшейеді: "Қазгидромет" алдағы күндерге арналған ауа райы болжамын жариялады
Синоптиктер Қазақстан бойынша 2022 жылғы 25-27 тамызға арналған ауа райы болжамын жариялады, деп хабарлайды Stan.kz ақпарат агенттігі.
“Қазгидромет” мамандарының болжамына сәйкес республиканың солтүстік облыстарында температураның төмендеуі күтіледі.
Батыс және оңтүстік өңірлерде ашық және ыстық ауа райы сақталады. Еліміздің солтүстік, орталық және шығыс өңірлерінде солтүстік циклонның әсерінен жаңбыр жауып, найзағай ойнап, жел күшейеді. Аптаның соңына қарай солтүстік өңірлерде ауа температурасы төмендейді деп күтіледі.
Қазақстанның батысында күндізгі ауа температурасы +27+38°С шамасында сақталады. Солтүстік-батысында ауа температурасы +25+32°С-тан +20+28°С-қа дейін, солтүстігінде +22+27°С-тан +18+23°С-қа дейін төмендейді. Елдің орталығы мен шығысында ауаның температурасы +18+28°С, оңтүстігінде +28+35°С, оңтүстік-шығысында +20+30°С шамасында болады.
Аспаннан ақша шашылса немесе көшеден ақша тауып алсаңыз, оны бірден иемденуге бола ма
Заңгер табылған ақшаны ешкімге хабарламай алып кету заңды әрекет емес екенін айтады
Қазақстанда рейс кешіксе, жолаушы не істеуі керек және өтемақыны қалай алады
Рейс 5 сағаттан астам кешіккен жағдайда жолаушы ұшудан бас тартып, билет құнын толық қайтаруды талап ете алады