Теміртауда турнир кезінде болған жаппай төбелестің себебі анықталды
Сотқа дейінгі тергеу нәтижесінде полицейлер Теміртауда өткен футзал турниріндегі жаппай төбелестің себебін анықтады, деп хабарлайды Stan.kz ақпарат агенттігі.
Қарағанды облысы полиция департаментінің мәлімдемесіне сәйкес, 21 наурызда Теміртаудағы спорт кешендерінің бірінде шағын футболдан әуесқойлар арасында жарыс ұйымдастырылған.
"Ойын кезінде ойыншылардың бірі ережені бұзып, қарсылас команданың ойыншысын итеріп жіберген. Мұны көрген екінші команда ойыншылары араша түскен. Нәтижесінде жанжал туындап, арты төбелеске ұласты", - деді полициядағылар.
Аталмыш дерек бойынша Қылмыстық кодекстің 293-бабы 2-бөлімі бойынша іс қозғалған.
Төбелес қатысушыларының барлығына сот-медициналық сараптама тағайындалған. Қазір сотқа дейінгі тергеу жүріп жатыр.
Жаппай төбелеске "Имсталькон" мен "Ақ Жол" командалары қатысқан.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі