Соңғы жаңалықтар
Соңғы жаңалықтар

Нөсер жауыннан кейін Таиландты тарақандар басты, ауру тарау қаупі бар (видео)

Таиланд тараканы
Фото: Reuters

 

Таиландтағы нөсер жауынның салдарынан жәндіктер кей қалаларды басып алған. Бұл туралы Stan.kz ақпарат агенттігі хабарлайды.

Жергілікті тұрғындардың айтуынша, жирен тарақандар көбіне бағаналарға және басқа да биік жерлерге шығады. Оларды үйлердің қабырғаларынан, ағаштардан да көруге болады. Кейде оларға сколопендралар мен шаяндар қосылады. Кейбір жағдайларда жәндіктер тіпті адамдарға да шығуға тырысады.

26 қыркүйекте Бангкоктың барлық 50 ауданы толассыз жауған жаңбырға байланысты апат аймағы деп жарияланды. Нөсер жауын көшелерді су басып, көлік қозғалысын қиындатты.

Әсіресе қаланың шығыс бөлігі су тасқынынан қатты зардап шекті. Қалалық каналдардағы су деңгейі шекті деңгейге жетті.

Су тасқынынан кейін ауру жұғу қаупі де бар. Тайланд Денсаулық сақтау министрлігі қазір су тасқыны кезінде лептоспироздан ("егеуқұйрық қызбасы") сақтануды ескертіп отыр. Бактерия ластанған су мен лай арқылы, әсіресе жарақаттанған тері арқылы адамға түсуі мүмкін.

Еске сала кетейік, бұған дейін Ақтөбеде шіркей көбейіп, тұрғындардың мазасын қашырды. Көше мен ауланы, су айдындарының маңын қаптаған ұсақ жәндіктер жұрттың көзіне, мұрны мен аузына кіріп, сыртта жүру қиындаған.

Ислам Әден
Сәрсенбі, 30 Қыркүйек, 2026 11:54