Тағы бір адам Ақмола облысында COVID-19-дан қайтыс болды

Ақмола облысында тағы бір адам COVID-19-дан қайтыс болды, деп хабарлайды Stan.kz ақпарат агенттігі.

Ол 1936 жылы туған науқас екендігі хабарланды, ол әлеуметтік қызметтер көрсету орталығында болған. 

5 сәуірден бастап ол Көкшетау теміржол ауруханасының уақытша ауруханасында карантинге жатқызылған.

9 сәуірде ол Ақмола облыстық туберкулезге қарсы диспансерде емделуге жатқызылды. Жағдайы өте ауыр болғандықтан, жасанды өкпе желдеткішіне қосылған еді.

Диагнозы: ауыр дәрежелі екі жақты жалпы пневмония, вирустық этиология.

Ілеспелі аурулар: артериялық гипертензия, ӨСОА, жүректің ишемиялық ауруы болған, деп хабарлады қмола облысының денсаулық сақтау мекемесі.

Осылайша, Қазақстанда коронавирустан көз жұмғандар саны 12-ге дейін өсті, олардың төртеуі Ақмола облысында емделген.

Еске салсақ, аймақтағы қарттар үйінің бірінде COVID-19 індетінің жұқтыруы тіркелген. Бұған дейін бұл мекемеде 36 адам вирус жұқтырған және коронавирустан екеуі қайтыс болған деп хабарланған болатын.

Сонымен, 2 сәуірде мұнда 73 жастағы ер адам, ал 6 сәуірде 91 жастағы әйел қайтыс болды.

Осы уақытқа дейін елімізде коронавирус жұқпасының 979 жағдайы тіркелді.