Степногорскте апат салдарынан -30 градус суықта он шақты үй жылусыз қалды
7 желтоқсанда Степногорск қаласындағы Славского және Целиноград көшелерінің қиылысындағы Д-600 жылу магистралінде ақау орын алды. Апат салдарынан бірқатар көпқабатты үйлер жылусыз қалды. Бұл туралы Stan.kz ақпарат агенттігі хабарлайды.
Видеодан скриншот
Сағат 21:45-те магистральде апат болып, тұрғындар жылудан ажыратылды. Степногорскте ауа температурасы -30 градусқа дейін жетеді.
Оқиға орнына Ақмола облысының әкімі Марат Ахметжанов арнайы келіп, оқиғаның мән-жайымен танысты.
Ақмола облысы Төтенше жағдайлар департаменті бастығының орынбасары Қанат Доспаевпен бірлесіп, төтенше жағдайларды жою штабын құрды.
"Оқиғаның мән-жайы анықталды, қазір апатты жою үшін жұмыс істеп жатырмыз, сондықтан барлығы бақылауда", – деді Марат Ахметжанов.
Қазір апат орнында "Степногорск жылу транзит" ЖШС мамандары жұмыс істеп жатыр. Шенділер тұрғын үйлерге жылу жақын арада беріледі деп уәде етті.
"Адамдар келсе айт, жылауға дайындалайық": Қазақстандықтар жаназа кезінде бастан кешірген жағымсыз жайттары туралы баяндады
Желі қолданушысы: "Қазақтың жерлеу рәсімін жек көремін"
Не себепті Қазақстанда туу көрсеткіші Ресейден жоғары? Сарапшылар мұның пайдасы мен зиянын айтып берді
Демограф: “Жастар арасында child free ұстанымына бет бұру үрдісі бар”