Көзіне газ шашпақ болған: Степногорда сатушы әйел дүкенін тонауға келген азаматты қуып шықты
Степногор қаласында сатушы әйел дүкенді тонауға келген азаматтың өзіне тойтарыс беріп, қуып шықты, деп хабарлайды Stan.kz ақпарат агенттігі.
Оқиға 10 тамызда болған. 40 жастағы сатушы әдеттегідей таңертең дүкенді ашып, жұмысына кіріп бара жатқан.
Белгісіз ер адам әйелдің артынан кіріп келіп, көзден жас шығаратын газды сеуіп, дүкенді тонамақшы болады. Алайда сатушы әйел оған қарсылық көрсетіп, оны қуып шығады.
Полицейлер күдіктіні ұстады. 21 жастағы қала тұрғыны бұған дейін денсаулыққа ауыр зиян келтіру қылмысы үшін сотталған.
Осы жолы Қылмыстық кодекстің 191-бабы, 3-бөлігі (Тонау, тұрғын, қызметтiк, өндiрiстiк үй-жайға не қоймаға заңсыз кірумен жасалған тонау) және 24-бабы, 3-бөлігі (Қылмысқа дайындалу және қылмысқа оқталу) бойынша сотқа дейінгі тергеу шаралары жүргізіліп жатыр.
Күдікті уақытша тергеу изоляторына қамалды.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан