Спортшыларымыз құзға өрмелеу мен брейкингтен лицензиялық турнирге қатысады
Қазақстан құрамасы брейкинг пен құзға өрмелеуден Шанхайда өтетін әлемдік лицензиялық жарысқа қатысады. Бұл туралы Stan.kz ақпарат агенттігі хабарлайды.
Фото: Спортты дамыту дирекциясы
16-19 мамыр аралығында Қытайдың Шанхай қаласында брейкинг пен құзға өрмелеуден олимпиада жолдамасын сарапқа салатын әлемдік лицензиялық турнир өтеді. Жарысқа брейкингтен Ұлттық құрама көшбасшысы Амир Закиров қатысса, құзға өрмелеуден Ришат Хайбуллин, Әмір Маймуратов пен Тамара Олжабаева бақтарын сынап, Париж олимпиадасының жолдамасына таласады. Спорттың бұл түрінде лицензия спортшының жеке өзіне беріледі.
Айта кетейік, әр ел Париждегі олимпиада ойындарына 2 ер, 2 әйел апара алады. Қазір тек 13 мемлекеттің спортшылары жолдамаға қол жеткізген. Шанхайда жолдама ала алмаған спортшылар бір айдан соң Мажарстан астанасында соңғы рет бақ сынайды.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген