"Облыста COVID-19 ауруының эпидемиологиялық жағдайы тұрақсыз деп сипатталады. Соңғы аптада сырқаттану 1,6 есеге өсіп, 135-тен 224 жағдайға жетті. Соңғы жеті күнде R репродуктивті саны 1-ден асты", - деп атап өтті Жұматаев.

Оның пікірінше, аурушаңдықтың жоғарылауы мамыр мерекелерін тойлау кезінде әлеуметтік байланыстардың күшеюімен, карантиндік шаралардың сақталмауымен тікелей байланысты.

Осылайша, бильярд, боулинг, балалар ойын алаңдары мен жабық аттракциондар, батуттар, банкет залдары, компьютерлік клубтар, аквапарк қызметі тоқтап тұр. Аталған нысандардың қызметі облыста 5 мамырдан бастап рұқсат етілген.

"Еске алу шараларын өткізуге тыйым салынуда. Діни орындарда жабық кеңістікте ұжымдық іс-шараларға тыйым салынады. Ашық аспан астында, мешіттер аумағында, православие шіркеуі және басқа да діни орындар маска режиміне және әлеуметтік арақашықтық сақтай отырып рұқсат етіледі", - деп түсіндірді Әсет Жұматаев.

Сонымен қатар, 30-дан аспайтын адамның қатысуымен жеке, топтық дайындыққа арналған мәдени нысандардың қызметі шектеулі.

Мектепке дейінгі ұйымдарда кезекші топтардың ғана жұмысына рұқсат етіледі, балаларға арналған түзету бөлмелерінің, балалар мен ересектерге арналған білім беру орталықтарының жұмысына, егер топ 15 адамнан аспайтын болса, алдын ала жазылу бойынша рұқсат етіледі.

Талқылау